Kiraŭnik MZS Francyi: Rasijskija vojski ŭ Siryi ŭskładniajuć rašeńnie kryzisu
Fota rfi.fr
Infarmacyja pra adpraŭku rasijskich vajskoŭcaŭ dla padtrymańnia sił prezidenta Siryi Bašara Asada tolki ŭskładniaje pošuk palityčnaha rašeńnia kanfliktu, zajaviŭ ministr zamiežnych spraŭ Francyi Łaran Fabius, paviedamlaje Reuters.
«Hienieralnaja Asambleja AAN, jakaja adbudziecca ŭ kancy vieraśnia, moža być miescam dla abmierkavańnia palityčnaha ŭrehulavańnia, ale razmova ŭskładniajecca tym faktam, što Rasija moža nakiravać novyja vojski ŭ Siryju», — skazaŭ Fabius.
«Francyja padvoić svaje dypłamatyčnyja namahańni, kab pakłaści kaniec siryjskaj dramie, adnoj z samych vialikich trahiedyj pačatku hetaha stahodździa», — dadaŭ ministr.
Jak paviedamlałasia, Rasija na praciahu apošnich dzion nakiravała ŭ Siryju dva desantnyja karabli i dziasiatak marskich piechacincaŭ.
Raniej paviedamlałasia, što jak minimum try rasijskija vajenna-transpartnyja samaloty pryziamlilisia ŭ Siryi za apošnija dni.