Słucki rajon: nadomnamu hałasavańniu padvierhnuli navat tych, chto prahałasavaŭ
Naziralnik ad Biełaruskaha prafsajuza REP na ŭčastku №56 u vioscy Aharodniki Słuckaha rajona Alaksandr Šyłovič padaŭ 11 kastryčnika zajavy ab parušeńniach vybarčaha zakanadaŭstva ŭ Słuckuju rajonnuju kamisiju, u prakuraturu Słuckaha rajona i ŭ Centrvybarkam.
Alaksandr Šyłovič raspavioŭ ab zafiksavanych padazreńniach i adnym kazusie.
11 kastryčnika na ŭčastku №56 u vioscy Aharodniki Słuckaha rajona apiačatali skryniu tolki ŭ 8.03. Da 8 hadzin nikoha, u tym liku i naziralnika, na ŭčastak nie puskali.
Siońnia naziralnik pajšoŭ razam z kamisijaj hałasavać pa chatach. Siem čałaviek prahałasavali. «Pytajusia ŭ ludziej: jakim čynam vy paviedamili ŭ kamisiju, kab da vas pryjechali na dom?» «My ŭvohule nie paviedamlali», — adkazvajuć.
«Śpisy ŭsie lipavyja. Na našym učastku ŭ śpisy dla nadomnaha hałasavańnia ŭniesienyja 82 čałavieki: mnohija ŭžo prahałasavali, mnohija ŭvohule nie prasili kamisiju pryjazdžać na dom dla hałasavańnia», — adznačyŭ A.Šyłovič.