Dasłoŭny dyjałoh naziralnika i staršyni vybarčaj kamisii: Čamu vy ličycie, što možacie vyznačać za mianie budučyniu?!
Karespandent «NN» siońnia staŭ śviedkam dyjałohu, byłoha milicyjanta, siabra AHP Mikałaja Kazłova i kiraŭnički ŭčastkovaj vybarčaj kamisii №24 Aleŭciny Hładkaj.
Mikałaj Kazłoŭ učora zafiksavaŭ na ŭčastku «karusielščykaŭ». Źviestki niezaležnych naziralnikaŭ i aficyjnyja źviestki nie supadajuć na 213 čałaviek.
Aleŭcina Hładkaja: Jak vaša zdaroŭje, skažycie?
Mikałaj Kazłoŭ: Majo? Vydatna. Uvieś čas pra vas dumaju.
AH: Pra mianie? Ja vas siońnia śniła.
MK: Voś bačycie – heta ŭzajemna. Chto kaho pieradumaje (śmiajecca).
AH: Ale ja vam nie pryśniłasia?
MK: Nie.
AH: Nie mahu raskazać, ale jaki byŭ pryjemny son! Ja voś dumaju, čamu ja vas nikoli spatkać nikoli nie mahu, bo vy ŭvieś čas, jak toj mahnat, na mašynie. A ja starajusia dzieści pieššu chadzić. Ja voś siońnia kazała Śviatłanie [naziralnica ad AHP – «NN»], što ŭ hetaha čałavieka, aproč usiaho palityčnaha, jość pavaha da žančyny. I navat nie da mianie, a ŭvohule. Heta adna z vašych vydatnych jakaściaŭ.
MK: Dziakuj, Aleŭcina Mikałajeŭna, ale heta nie admianiaje taho, što vy tvorycie… Heta žachliva! Prosta žachliva. Heta nie ŭłazić ni ŭ jakija varoty.
AH: Bieražycie zdaroŭje.
MK: Dzie ž tut z vami jaho źbieražeš. Och…
AH: I psichičnaje, i fizičnaje. Kali b ja padymała tost, to ŭźniała jaho za vaša psicha-fizičnaje zdaroŭje.
MK: Dziakuj vialiki. Kali b nie vy tut, jano b u mianie było vydatnaje.
AH: Viedajecie, vybary projduć, a žyćcio praciahniecca.
MK: Tak, dyk u tym i sprava, što vy budučyniu vyznačajecie, u tym liku i maju. Kidajcie vy hetuju spravu. Aŭlecina Mikałajeŭna, nie idzicie vy bolej u kamisiju. Nie idzicie, nu nie vaša heta.
AH: Ja razumieju vašu niepaśladoŭnuju pazicyju.
MK: Vy ličycie, što ja vas ahavorvaju?
AH: Ja – vas, a vy – mianie. Što vychodzić, my z vami znachodzimsia na supraćlehłych bakach.
MK: Chočacie skazać, što ja vas usie 7 hadoŭ ahavorvaju? Vy ličycie, što ŭ mianie bzik na vas?
AH: U vas jość stryžań. Vy mianie krucicie jak palityk. Kažacie, što jak staršynia kamsii, ja takaja-siakaja. Ale maje čałaviečyja jakaści vy nikoli nie zakranuli.
MK: Ja liču, što słužbovyja i čałaviečyja jakaści pavinny być harmaničnymi. Kali inšaja za miežami ŭčastka – moža być. Čamu vy ličycie, što možacie vyznačać za mianie budučyniu?! Nu nielha tak.
AH: Pravilna, kožny z nas sam vybiraje.
MK: Kali vy ŭkidvajecie biuleteni na ŭčastku, to vy biarecie na siabie prava vyrašać za mianie.
AH: Ni ŭ jakim vypadku.