Pucin pavinšavaŭ Łukašenku ź pieramohaj na vybarach
fota Dźmitryja Bruško, Tut.by
Prezident RF Uładzimir Pucin nakiravaŭ vinšavalnuju telehramu Alaksandru Łukašenku z nahody pieravybrańnia na pasadu prezidenta Respubliki Biełaruś. Pra heta paviedamlaje pres-słužba Kramla.
U telehramie Pucin padkreśliŭ, što «pierakanaŭčaja pieramoha Łukašenki na vybarach śviedčyć pra vysoki palityčny aŭtarytet i davier z boku nasielnictva, a taksama pra aktyŭnuju padtrymku kursu na dalejšaje sacyjalna-ekanamičnaje raźvićcio krainy».
Kiraŭnik rasijskaj dziaržavy vykazaŭ upeŭnienaść, što dziaržaŭnaja dziejnaść Łukašenki budzie spryjać raźvićciu rasijska-biełaruskaha stratehičnaha partniorstva, umacavańniu Sajuznaj dziaržavy, naroščvańniu supracoŭnictva ŭ ramkach Jeŭrazijskaha ekanamičnaha sajuza, Sadružnaści niezaležnych dziaržaŭ i inšych mižnarodnych struktur.
Prezident RF taksama paćvierdziŭ nastroj na praciah kanstruktyŭnaj sumiesnaj pracy na karyść brackich narodaŭ dźviuch krain.