Asudžany fanat: «Zatrymali za šalik z zarehistravanaj simvolikaj — «Pahoniaj». Pra što tut jašče možna kazać…»
U Barysavie zaviaršyŭsia sud, na jakim razhladali spravu fanataŭ zbornaj Biełarusi, u tym liku i viadomaha haradzienskaha fanata Vitala Budźko, jaki ličyć, što byŭ zatrymany mienavita z-za simvoliki.
— Vypuścili? i toje dobra. A zatrymali za šalik z zarehistravanaj simvolikaj — Pahoniaj. Pra što tut jašče možna kazać… Na videa, jakoje hladzieli ŭ sudzie, usio pakazana: my razhladali šalik. Supracoŭniki milicyi mnie skazali: projdziem, kab identyfikavać asobu. Ale u mianie byŭ pašpart i ja pakazaŭ jaho. Tady jany vyrašyli dziejničać inakš.
— U vas stolki matčaŭ za zbornuju z hetym šalikam. Raniej zatrymlivali?
— Tak, šalik zasłužany. Asabista mianie nie zatrymlivali, a voś maju žonku ź im užo vyvodzili.
— Što pažadajecie inšym fanatam?
— Žadaju ŭdačy. A zaraz jedu damoŭ, — dadaŭ Budźko.