«12 kastryčnika ŭ pierapynku matču Biełaruś - Makiedonija, jaki prajšoŭ na futbolnym stadyjonie «Barysaŭ-Arena», adbyłosia zatrymańnie troch zaŭziataraŭ zbornaj Biełarusi. Pa viersii zaŭziataraŭ, jakija znachodzilisia pobač, fanataŭ zatrymali za najaŭnaść šalikaŭ z vyjavaj histaryčnaha hierba Biełarusi «Pahonia», — havorycca ŭ zajavie FK «Nioman», raspaŭsiudžanaj siońnia.
— Adnak siońnia kiraŭnik pres-słužby UUS Minabłvykankama Alaksandr Danilčanka skazaŭ, što zaŭziatary byli zatrymanyja nie za našeńnie šalikaŭ z nacyjanalnaj simvolikaj, a za łajanku i niepadparadkavańnie milicyi.
Adnym z zatrymanych źjaŭlajecca Vital Budźko, zaŭziatar hrodzienskaha kłuba, jaki na praciahu ŭžo bolš za 30 hadoŭ lubić futboł, zaŭzieje za svaich — «Nioman» i Biełaruś, usialak padtrymlivaje kamandy, jak na chatnich matčach, tak i na vyjeździe. U pieršuju čarhu, mienavita dla takich addanych balelščykaŭ i hulajuć kamandy.
U nas byŭ niadaŭna utvorany aficyjny fan-kłub hrodzienskaha «Niomana», u stvareńni jakoha niepasredny ŭdzieł pryniaŭ hety čałaviek. U futbolnym kłubie, a taksama ŭ asiarodździ aktyŭnych zaŭziataraŭ jaho dobra viedajuć i mohuć acharaktaryzavać tolki sa stanoŭčaha boku. Jaho intelihientnaść i dobraje vychavańnie nie dazvolili b jamu apuścicca da niecenzurnaj łajanki, tym bolš, što ŭ biełaruskaj movie, jakuju vykarystoŭvaje dla znosin Vital, niama maciukalnych słoŭ ni na «P», ni na «D»… U toje, što zdaryłasia, składana pavieryć».
Nahadajem, traim zatrymanym fanatam prysudzili štrafy ŭ 10 bazavych vieličyń.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie2
Kamientary