Dziaržaŭnaja fabryka adhruziła «Art-siadzibie» piać kiłamietraŭ bieł-čyrvona-biełaj stužki FOTA
Pra heta napisaŭ u svaim fejsbuku kiraŭnik moładzievaj kulturnickaj arhanizacyi «Art-siadziba» Pavieł Biełavus.
Zamovili jaje na mahiloŭskaj fabrycy «Stužka» jašče ŭ vieraśni, ale pakul nie minuli vybary, fabryka mieła «prablemy z syravinaj».
Na vytvorčaść stužki źbirali achviaravańni. «Adhuknułasia kala dziasiatka čałaviek, i chutka my apłacili patrebnuju sumu, kala 2000 umoŭnych adzinak, kab pradpryjemstva pačało vyrab stužki. Stužka budzie vykarystoŭvacca kožnym z układalnikaŭ dla svaich metaŭ. Niechta budzie razdavać, niechta pradavać, niechta ŭpryhožvać pakunki», — kazaŭ Pavieł Biełavus.
Sami ž artsiadzibaŭcy buduć razdavać stužku ŭsim achvotnym u miežach svajoj akcyi #biełaruskajastužka — jak raniej razdavali stužku z nacyjanalnym arnamientam.