Pucin daručyŭ «Aŭtavazu» pierasadzić Maskvu i Picier na «Łady»
Prezident Rasii Uładzimir Pucin paprasiŭ kiraŭnika «AŭtaVAZa» Bu Andersana viarnuć ajčynnyja aŭtamabili «Łada» na vulicy Maskvy i Sankt-Pieciarburha. Pra heta zajaviŭ žurnalistam sam Andersan padčas test-drajvu madeli Vesta ŭ Italii.
«Ja pracuju ŭ Rasii siem hadoŭ, i ŭ mianie była mahčymaść pahavaryć na niamieckaj movie z Pucinym (padčas forumu «Vałdaj» u Sočy), — raspavioŭ Andersan. — I ja zadaŭ jamu pytańnie ab tym, niedachop heta ci pieravaha, u tym, što «Aŭtavazam» kiruje zamiežnik. I jon skazaŭ, što samaje hałoŭnaje, kab my praciahnuli rabić toje, što robim. Jon skazaŭ, što samaje hałoŭnaje dla «Łady» u tym, kab hetyja mašyny viarnulisia ŭ Maskvu i Sankt-Pieciarburh».
Jak udakładniŭ Andersan, u 2014 hodzie dola aŭtamabilaŭ «Łada» ŭ Maskvie składała 4%, a ŭ hetym — 6%. U Sankt-Pieciarburhu ŭ 2014 hodzie dola «Łady» u aŭtaparku horada składała 8%, a ŭ 2015-m - užo 9%