Minabarony RF paviedamiła pra samahubstva kantraktnika ŭ Siryi
Ministerstva abarony Rasii paćvierdziła hibiel vajskoŭca ŭ Siryi.
tass.ru
Jak zajavili ŭ viedamstvie, kantraktnik Vadzim Kastenka skončyŭ žyćcio samahubstvam paśla dziažurstva. Pračytaŭšy jaho sms-paviedamleńnie, vajskoŭcy vyśvietlili, što Kastenka ździejśniŭ samahubstva z-za razładu ŭ adnosinach ź dziaŭčynaj.
Raniej pra jaho śmierć paviedamiŭ svajak. Pavodle jaho słoŭ, sałdat adpraviŭsia ŭ kamandziroŭku 14 vieraśnia, a 25 kastryčnika siamji paviedamili pra jaho śmierć. U vajenkamacie skazali, što Kastenka byŭ znojdzieny miortvym, nie ŭdakładniŭšy padrabiaznaściaŭ.
Pa dadzienych daśledčaj kamandy Conflict Intelligence Team, jakaja pieršaj paviedamiła pra hibiel vajskoŭca, Kastenka słužyŭ u VPS i zajmaŭsia techničnym absłuhoŭvańniem samalotaŭ.