Hałoŭny redaktar «Priessboła» padziakavaŭ padpisčyku Milinkieviču
ale prosić nia ŭciahvać hazetu ŭ palityku.
ale prosić nie ŭciahvać hazetu ŭ palityku.
U suviazi z tyražavanymi paviedamlańniami pra toje, što «lider Ruchu «Za svabodu» Alaksandar Milinkievič padpisaŭsia na hazetu «Priessboł» i ŭ hetki sposab vykazaŭ salidarnaść z samym papularnym spartovym vydańniem krainy, jakoha pazbavili rašeńniem Nacyjanalnaha alimpijskaha kamitetu akredytacyi ŭ Pekinie‑2008», hałoŭny redaktar hazety Uładzimier Bieražkoŭ vystupiŭ z kamentarom.
«Pavažany Alaksandar Uładzimieravič! Mnie jak redaktaru zaŭždy pryjemna, kali ŭ hazety źjaŭlajucca novyja čytačy. Razam z tym chacie by źviarnucca da vas jak da palityka z nastojlivaj prośbaj ni ŭskosna, ni pahatoŭ naŭprost nie vykarystoŭvać pytańnie pazbaŭleńnia našaj hazety akredytacyi ŭ jakaści arhumenta pry dasiahnieńni palityčnych metaŭ. Liču, što heta sytuacyja, pavinna raźviazaccca ŭnutry našaj, spartovaj, siamji — heta pytańnie krytyki, a nie palityki ŭłady.
Mnie pryjemna, kali mnie telefanujuć i vinšujuć hazetu z dniom naradžeńnia, ale chaciełasia b, kab heta adbyvałasia, nia tolki ŭ razhar kampanii pa vybarach prezydenta. Vydatna, što ŭ hazety źjaviŭsia novy padpisčyk, ale nia varta takim čynam uciahvać najlepšuju spartovuju hazetu ŭ palityku», — zajaviŭ Uładzimier Bieražkoŭ.