«Złyja maskali» suprać BČB: ruski nacyjanalist vyrabiŭ sabie antybiełaruskuju majku FOTA
Rasijski muzyka, viadomy pad mianuškaj «Ivan Raz-na-raz», vykłaŭ u internet zdymak, na jakim jon pazuje ŭ sakołcy z nadpisam «Złyja maskali». Na vyjavie rasijski stralec zabivaje kryłataha husara Vialikaha Kniastva, pobač ź jakim lažyć pavieržany štandar ź biełaruskim ściaham i hierbam «Pahonia».
Usio heta supravadžajecca podpisam «Maskva pabiła» pa-anhlijsku.
Toj samy aŭtar raniej fatahrafavaŭsia sa ściaham rasijskich sieparatystaŭ uschodu Ukrainy.
Cikava, što na hetym fota hety «Ivan Raz-na-raz» trymaje ściah h.zv. «DNR» razam ź viadomym rasijskim nieanacystam Alaksiejem Milčakovym, čyjo imia hučała ŭ skandałach z zabojstvam sabak, a paśla ŭ suviazi z udziełam va ŭkrainskim kanflikcie.