Paśla zvarotaŭ biełarusaŭ sustreču ź ideołaham «russkoho mira» ŭ Minsku admianili, pakul tolki adnu
U Minsk źbiraŭsia pryjechać adzin ź ideołahaŭ «russkoho mira» Mikałaj Starykaŭ. Jon padtrymlivaje anieksiju Kryma, patrabuje rasčlanieńnia Ukrainy. Jon mieŭ vystupić 17 listapada ŭ kanferenc-zali hatela «Biełaruś» i 15 listapada ŭ kniharni «Śvietač»».
Adrazu, jak tolki źjaviłasia hetaja infarmacyja, biełaruskija karystalniki sieciva pačali pisać skarhi, kab admianić hetyja sustrečy. Jany zaklikali admović Starykavu, bo jon padtrymlivaje sieparatystaŭ va Ukrainie i viadomy svaimi antybiełaruskimi vykazvańniami.
Užo na nastupny dzień na sajcie «Biełknihi» źjaviłasia infarmacyja, što sustreča sa Starykavym admieniena z «techničnych pryčyn». Nakont hatela «Biełaruś» infarmacyi pakul niama.