Katalickaja akademija źjavicca ŭ Minsku niedaloka ad Nacyjanalnaj biblijateki
Pra heta siońnia zajaviŭ žurnalistam na pieradkaladnaj pres-kanfierencyi mitrapalit Minska-Mahiloŭskaj archidyjacezii Rymska-katalickaj carkvy arcybiskup Tadevuš Kandrusievič.
«Minharvykankam vydzieliŭ nam miesca pa vulicy Filimonava. Čakajem aficyjnych papier», — skazaŭ Tadevuš Kandrusievič.
Teałahičnaja akademija płanuje rychtavać śpiecyjalistaŭ z vyšejšaj adukacyjaj roznych stupieniaŭ, a taksama navukovych rabotnikaŭ vyšejšaj kvalifikacyi, u tym liku śviataroŭ. Studenty buduć vyvučać teałohiju, bibleistyku, kananičnaje prava, historyju, liturhiku, katechizacyju, fiłasofiju, etyku, relihijaznaŭstva, srodki masavaj kamunikacyi, sacyjalnaje vučeńnie i słužeńnie, zamiežnyja movy i mnohaje inšaje ŭ adpaviednaści z normami i vučeńniem rymska-katalickaha kaścioła.