Televiadoŭca Dzianis Kurjan adkryŭ u Minsku ŭłasnuju blinnuju «Mama doma» FOTY I CENY
U novym handlovym centry MOMO, što adčyniŭsia niadaŭna na vychadzie sa stancyi mietro Mahiloŭskaja, adkryłasia blinnaja znakamitaha biełaruskaha viadučaha Dzianisa Kurjana. Jana nazyvajecca «Mama doma». Heta pieršaja blinnaja viadučaha ŭ Minsku, raniej bliny «Mama doma» možna było pajeści tolki ŭ Viciebsku.
Blinnaja abiacaje spałučeńnie fastfudu i chatnich stravaŭ. «Naša Niva» pravieryła smak blinoŭ adnaho z samych znakamitych viadučych u Biełarusi.
Padčas naviedvańnia blinnaj tam stajała čarha ź siami čałaviek.
Dzianis Kurjan taksama udzielničaŭ u pracesie, čas ad času dapamahajučy svaim supracoŭnikam. «Ja tut asabliva nie pracuju, prosta vyrašyŭ dapamahčy». Dzianis paprasiŭ nie fatahrafavać jaho, a ŭzamien pačastavaŭ kavaj, jakuju sam pryhatavaŭ u kava-mašynie.
Mieniu rasijskamoŭnaje:
Zamovu pryjšłosia čakać nie doŭha — kala 4—5 chvilin. Padkuplaje toje, što ty sam možaš nazirać praces hatavańnia.
Naša zamova składałasia ź blinoŭ z hrybami ŭ viarškach i kurycaj, blinoŭ sa zhuščonym małakom i kavy amierykana ad Dzianisa Kurjana. Usio heta abyšłosia nam u 75 000 biez uliku kavy.
Blin z kurycaj i hrybami byŭ davoli smačnym, choć načynki było nie tak užo i šmat. Ź inšaha boku, miasa bolš adčuvałasia, čym hryby, što niazvykła dla našych biełaruskich blinnych.
Napeŭna, usio ŭ dziacinstvie jeli bliny sa zhuščokaj u babuli ci doma, tamu blin sa zhuščanym małakom byŭ napoŭnieny smakam dziacinstva.
Pakul što blinnaja pracuje ŭ testavym režymie. Mahčyma, byŭ niaŭdałym naš vybar, bo, naprykład, ludzi, jakija zamaŭlali bliny z bananam, atrymoŭvali ceły banan u blinie, što vielmi ździŭlała.
Kava ad Dzianisa akazałasia zvyčajnaj amierykana Lavazza. Ale pryhatavana z dušoju i padvojnym cukram.
Talerki papiarovyja.
Takim čynam, kali vy žyviacie na mietro «Mahiloŭskaj», vy možacie zajści ŭ «Moma» i pierakusić blinam.