Žančyna na «Ołdsmabili» źbiła 38 piešachodaŭ u Łas-Viehasie
Na centralnaj vulicy Łas-Viehasa žančyna na aŭtamabili źbiła 38 piešachodaŭ, adzin ź jakich zahinuŭ. Stan šaści paciarpiełych daktary aceńvajuć jak krytyčny.
Havorka idzie «pra mahčyma naŭmysny najezd» na piešachodaŭ, paviedamili pradstaŭniki palicyi Łas-Viehasa, dadaŭšy, što havorka nie viadziecca pra terakt.
Žančyna kiravała mašynaj «Ołdsmabil» 1996 hoda vypusku, u im znachodziłasia trochhadovaje dzicia.
Vinoŭnica DTZ zatrymanaja i nakiravana na miedycynski ahlad, jaki pavinien ustalavać, ci znachodziłasia jana ŭ stanie ałkaholnaha abo narkatyčnaha apjanieńnia.
Najezd na piešachodaŭ adbyŭsia na centralnaj vulicy Łas-Viehasa — Łas-Viehas-Stryp — niedaloka ad kazino i hatela Paris Las Vegas, dzie ŭ hety momant prachodziŭ konkurs pryhažości «Mis Suśviet».