Ciahnik u Babrujsku naśmierć źbiŭ čałavieka
Ciahnik mižrehijanalnych linij ekanomkłasa №648 Minsk — Homiel u Babrujsku źbiŭ naśmierć miascovaha žychara, paviedamili ŭ adździaleńni infarmacyi i hramadskich suviaziej UUS Mahiloŭskaha abłvykankama.
Zdareńnie adbyłosia 27 studzienia pablizu vulic Śviardłova i Puškina. Niepracujučy 35-hadovy mužčyna pierachodziŭ čyhunačnyja rejki ŭ nieŭstanoŭlenym miescy. Mašynist užyŭ ekstranaje tarmažeńnie, adnak trahiedyi paźbiehnuć nie ŭdałosia. Mužčynie była pryčyniena śmiarotnaja traŭma. Stajanka ciahnika skłała 7 chvilin.
Na miesca zdareńnia vyjazdžała śledča-apieratyŭnaja hrupa. Idzie pravierka.