U Mahilovie vada patapiła dvary, miescami ŭzrovień vyšynioj z traktar. Taksama źjaviŭsia vadaspad FOTA
«U Kazimiraŭcy pracujuć budaŭniki-padvodniki», — z takim kamientaryjam u internecie ŭčora źjavilisia fota z Mahilova, na jakich vidać, jak praz tajańnie śnieha vada zatapiła budaŭničuju placoŭku razam z technikaj.
Fota raźmiaściŭ miascovy žychar Uładzimir Hardziejeŭ u supołcy «Mahiloŭ Live».
Inšyja haradskija supołki taksama zavalenyja fota z vulic horada.
«Kazimiraŭka, płyviem», — piša inšy mahiloviec pad fota niby z čoŭna, a nie mašyny.
U internecie ludzi skardziacca taksama na toje, što pa hruntovych darohach moža prajechać chiba što traktar. Maŭlaŭ, takaja situacyja ŭ niekatorych rajonach štohod, ale ŭłady nie reahujuć.
Voś chtości fatahrafuje z apošnich pavierchaŭ svoj dvor.
Nu i taksama ludzi mastacki sfatahrafavali novaŭtvorany mahiloŭski vadaspad, što źbiahaje pa prystupkach, na jakich vielmi ŭ temu namalavanyja rybki.
Pakul što atrymać kamientaryj ad mahiloŭskaha harvykankama nie atrymałasia.