Pierapadrychtoŭka vajskovaj palicyi ŭ RF — 106 sa 112 palicejskich dali chabar kamandziru
95 adsotkaŭ kursantaŭ z roty rasijskaj vajskovaj palicyi, jakaja prachodziła pierapadrychtoŭku, davali chabar svajmu kamandziru, paviedamiŭ kanał lifenews sa spasyłkaj na papiarednija dadzienyja śledčych.
32-hadovy kapitan Alaksandr Coj atrymaŭ pad kamandavańnie rotu kursantaŭ-palicejskich u kancy lutaha 2016 hoda i patrabavaŭ ad kožnaha chabar pamieram 3 tys. rasijskich rubloŭ.
Chabar pahadzilisia dać 106 palicejskich sa 112. Za heta kamandzir im abiacaŭ dobryja ŭmovy słužby.
Adnačasova jon im pahražaŭ niazdačaj ispytu ŭ vypadku admovy ad płaty.