Kiprski śpiecnaz zatrymaŭ zhonščyka samalota A320
Čałaviek, jaki zachapiŭ samalot A320 jehipieckaj avijakampanii EgyptAir, zatrymany supracoŭnikami śpiecnaza ŭ aeraporcie Łarnaki, paviedamiła ministerstva zamiežnych spraŭ Kipra.
Reuters.com
Pierad hetym z samalota ŭdałosia vybracca ŭsim zakładnikam.
Na kadrach z aeraporta było vidać, što niepadalok ad samalota znachodzilisia kala 20 śpiecnazaŭcaŭ sa zbrojaj, a taksama bronietransparcior.
Taksama paviedamlałasia, što pazicyi vakoł zachoplenaha samalota zaniali snajpiery, rychtujučysia da mahčymaj apieracyi pa vyzvaleńni zakładnikaŭ.
Samalot, jaki vykonvaŭ rejs MS181 z Aleksandryi ŭ Kair, byŭ zachopleny ŭ aŭtorak ranicaj adrazu paśla vyletu i paśla pryziamliŭsia ŭ aeraporcie kiprskaj Łarnaki.