Samalot z 62 čałaviekami na borcie pryziamliŭsia ŭ aeraporcie Łarnaka, paviedamiła hramadskaje TB Kipra. Nieviadomy mužčyna pahražaŭ pojasam śmiarotnika kamandziru ekipaža i jaho kaleham.
15:10
Čałaviek, jaki zachapiŭ samalot A320 jehipieckaj avijakampanii EgyptAir, zatrymany supracoŭnikami śpiecnaza ŭ aeraporcie Łarnaki, paviedamiła ministerstva zamiežnych spraŭ Kipra. Pierad hetym z samalota ŭdałosia vybracca ŭsim zakładnikam.
Na kadrach z aeraporta było vidać, što niepadalok ad samalota znachodzilisia kala 20 śpiecnazaŭcaŭ sa zbrojaj, a taksama bronietransparcior.
Pazicyi vakoł zachoplenaha samalota zaniali snajpiery, rychtujučysia da mahčymaj apieracyi pa vyzvaleńni zakładnikaŭ.
14:25
«Zhon nie źviazany z teraryzmam. Usio heta adbyłosia z-za žančyny», - skazaŭ žurnalistam prezident Kipra Nikas Anastasiadzis.
Jak paviedamlajecca, zhonščyk samalota zapatrabavaŭ pieradać žančynie, jakaja žyvie na Kipry (mierkavana, byłoj žoncy) kanviert ź listom na arabskaj movie.
13:24
Zhonščyk jehipieckaha samalota A320 nazvaŭ pieršaje patrabavańnie — vyzvaleńnie źniavolenych u Jehipcie, paviedamlaje Reuters.
Raniej krynica Associated Press va ŭradzie Kipra paviedamiła, što ad zhonščykaŭ pastupiła tolki adno patrabavańnie - adahnać ad samalota palicejskija aŭtamabili.
Inšych patrabavańniaŭ nie pastupała.
12:51
Ibrahim Samacha, jakoha ŚMI nazyvali ŭhonščykam samalota EgyptAir, akazaŭsia pasažyram hetaha rejsa. Pra heta Samacha, jakomu siarod inšych pasažyraŭ udałosia pakinuć bort samalota, zajaviŭ arabskaj słužbie BBC News.
Ministr transpartu Jehipta na śpiecyjalnaj pres-kanfierencyi zajaviŭ, što pravaachoŭnyja orhany krainy pakul nie buduć nazyvać imia zhonščyka i nie stanuć udakładniać, hramadzianinam jakoj krainy jon źjaŭlajecca.
Pradstaŭniki pres-słužby prezidenta Jehipta ŭ svaju čarhu paviedamili, što va ŭhonie samalota padazrajuć Saif el-Dzina Mustafu.
12:10
Palicejskija z sabakami pastajanna dziažurać u aeraporcie horada Łarnaka. Uzmocnienyja kardony palicyi taksama vystaŭlenyja jak la budynka samaha aeraporta, tak i na padjeździe da jaho.
Kiprskija ŭłady prainfarmavali Jehipiet pra adsutnaść vybuchoŭki na borcie łajniera.
Jehipcianin Ibrahim Samacha, jaki zachapiŭ samalot, pakutuje na psichičnaje rasstrojstva. Pra heta telekanału «Al-Arabija» paviedamili jaho svajaki.
11:57
Zhon jehipieckaha samalota nie źviazany z teraryzmam, zajaviŭ prezident Kipra Anastasiadzis, pieradaje Associated Press.
U toj ža čas pradstaŭnik kiprskaha MZS Alaksandras Zianon u efiry francuzskaha telekanała E-Tele paćvierdziŭ, što jehipiecki samalot A320, jaki ruchaŭsia z Aleksandryi ŭ Kair, zachapiŭ adzin čałaviek, jaki pakul nie vyłučaŭ nijakich patrabavańniaŭ.
«Na dadzieny momant my majem tolki infarmacyju ab tym, što samalot zachapiŭ adzin čałaviek. Pakul jon nie vyłučaŭ nijakich patrabavańniaŭ», — rastłumačyŭ Zianon.
11:37
Uhonščyk vyzvaliŭ jašče piać čałaviek.
11:18
Na borcie zachoplenaha samalota nie znajšli vybuchovych rečyvaŭ, pieradaje hazieta Haaretz sa spasyłkaj na kiprskija krynicy.
11:13
Vykradalnik jehipieckaha samalota Ibrahim Samacha vykładaje va ŭniviersitecie ŭ amierykanskim štacie Džordžyja, pra heta paviedamlaje partał vydańnia «Al-Achram» sa spasyłkaj na krynicy ŭ śpiecsłužbach.
Samacha prosić palityčnaha prytułku na Kipry. Jon taksama patrabuje pierakładčyka.
Pa dadzienych telekanała Sky News Arabia, zhonščyk pieršapačatkova paprasiŭ piłota pasadzić avijałajnier ŭ Turcyi, adnak piłot admoviŭsia, spasłaŭšysia na niedachop paliva ŭ bakach samalota.
11:09
Usie pasažyry zachoplenaha łajniera vyzvalenyja
10:53
Biełarusaŭ na borcie zachoplenaha terarystam samalota nie było. Pra heta BiełTA paviedamili ŭ pres-słužbie biełaruskaha MZS.
10:46
Paviedamlajecca, što samalot zachapiŭ jehipcianin Ibrahim Samacha.
Pradstaŭnik MZS Kipra miarkuje, što na borcie zachoplenaha A320 mahli zastacca 15-20 čałaviek.
10:29
Vyzvalenyja ŭsie, chto byŭ na ŭkradzienym łajniery, akramia členaŭ ekipažu i jašče čatyroch-piaci čałaviek (mierkavana, zamiežnikaŭ), paviedamlaje Twitter EgyptAir.
10:17
Kala 50 žančyn i dziaciej, adpuščanych uhonščykam, spuścilisia pa trapie i byli adviedzieny ŭ biaśpiečnaje miesca.
10:15
Na borcie zachoplenaha A320 znachodziacca 10 hramadzian ZŠA i 8 paddanych Vialikabrytanii, paviedamlaje tass.ru sa spasyłkaj na «Al-Arabija».
10:13
Zhonščyk vypuściŭ 50 čałaviek.
10:05
Zhonščyk dazvoliŭ žančynam i dzieciam pakinuć zachopleny samalot, jany pakidajuć łajnier ŭ aeraporcie Łarnaki, paviedamlaje Associated Press.
10:02
Śpiecyjalnaja hrupa pieramoŭnikaŭ ź śpiecpadraździaleńnia Kipra sprabuje vyjści na kantakt ź ludźmi, jakija zachapili avijałajnier. Jak paviedamiła Kiprskaja radyjoviaščalnaja karparacyja, zhonščyki jašče nie vyłučali jakich-niebudź patrabavańniaŭ.
Pavodle jaje danych, ministr justycyi i hramadskaha paradku Jonas Mikałaŭ sklikaŭ naradu i stvaryŭ kryzisny centr dla pieramovaŭ z zachopnikami.
09:59
Zachopnik pahražaje padarvać pojas śmiarotnikaŭ, piša Cyprus Mail.
U aeraporcie Łarnaki pracuje kryzisny štab. Aeraport zakryty, rejsy pieranakiroŭvajucca ŭ inšyja pavietranyja havani.
09:56
Viaducca pieramovy z zachopnikam, kab jon pahadziŭsia adpuścić žančyn i dziaciej.
09:50
Egypt Air paćvierdziła zachop rejsa MS181, avijakampanija zrobić aficyjnuju zajavu, paviedamlaje Twitter kampanii.
09:44
Partał navinaŭ «Al-Bavaba» paviedamlaje, što samalot uhnaŭ teraryst, uzbrojeny pojasam śmiarotnika. Pra nacyjanalnaść bajevika infarmacyi niama, paviedamlaje tass.ru.
Samalot avijakampanii Egypt Air byŭ zachopleny adnym čałaviekam, paviedamlaje Reuters.
Izrail padnimaŭ svaje samaloty pa tryvozie, kab pierachapić samalot u vypadku, kali toj skirujecca ŭ bok hetaj dziaržavy.
09:20
Samalot kampanii Egyptair rejs A320 vykonvaŭ rejs z Aleksandryi ŭ Kair. Raniej paviedamlałasia pra 82 čałavieki na borcie. Pavodle apošnich źviestak, na borcie znachodzicca 55 pasažyraŭ i 7 členaŭ ekipažu.
Miarkujecca, što na borcie znachodzicca bomba. Viaducca pieramovy z zachopnikami.
09:11
Pa dadzienych haziety Cyprus Mail, samalot A320 nakiroŭvaŭsia z Aleksandryi ŭ Kair. Avijałajnier pryziamliŭsia na Kipry ŭ aeraporcie Łarnaki ŭ 08:50 pa miascovym časie (supadaje ź minskim).
***
Nieviadomy mužčyna, jaki zachapiŭ samalot, pahražaŭ kamandziru i pasažyram, što padarvie pojas śmiarotnika ŭ vypadku, kali nie buduć vykananyja jahonyja patrabavańni, pieradaje partał navinaŭ «El-Balad». Kapitan łajniera paśpieŭ paviedamić dyśpietčaram u Kairy, što samalot zachopleny i budzie skiroŭvacca na Kipr, piša ria.ru
ŚMI paviedamlajuć, što zhonščyki majuć namier dazvolić žančynam i dzieciam jehipieckaha pachodžańnia pakinuć samalot.
Kamientary