Na vybarach u Pieru lidziruje dačka prezidenta Fuchimory, jaki siadzić ciapier u turmie
U Pieru na prezidenckich vybarach apublikavanyja pieršyja dadzienyja ekzit-połaŭ — lidziruje dačka eks-kiraŭnika dziaržavy Kiejka Fuchimory.
Da ciapierašniaha momantu jana nabrała kala 38% hałasoŭ.
Bližejšyja supierniki Fuchimory — pravacentryst Pedra Pabła Kučynski i pradstaŭnik levych sił Vieranika Miendosa — nabrali prykładna pa 20%. Kučynski syn emihranta-jaŭreja doktara Maksima Kučynskaha, što naradziŭsia kala Poznani i emihravaŭ z Hiermanii ŭ 1936 h.
Kali Fuchimory nie ŭdasca pieramahčy ŭ pieršym tury, druhi tur adbudziecca 5 červienia. Jaje supiernikam stanie toj z pretendentaŭ, chto nabiare bolš hałasoŭ u pieršym tury.
Pa słovach Kiejka Fuchimory, pryjarytetam jaje palityki na pasadzie prezidenta stanie baraćba sa złačynnaściu.
Jaje baćka, były prezident krainy Albierta Fuchimory zaraz adbyvaje 25-hadovy turemny termin pa spravie ab karupcyi i złoŭžyvańni ŭładaj.
Fuchimory, jaki kiravaŭ krainaj z 1990 pa 2000 hady, žorstkimi mietadami zmahaŭsia ź levaradykalnymi hrupoŭkami.
Vybarščyki, jakija hałasujuć za Kiejka Fuchimory, staviać jaje baćku ŭ zasłuhu pieramohu nad maaisckaj hrupoŭkaj «Zichatlivy šlach», dziakujučy jakoj u 90-ja hady minułaha stahodździa situacyja ŭ krainie adnosna stabilizavałasia.
Za dziesiacihodździe zbrojnaha kanfliktu uradavych sił ź levaradykalnymi hrupoŭkami zahinuli kala 69 tysiač čałaviek.