Ź viaskovych mohiłak pakrali kryžy na mietałałom
Adbyłosia heta na mohiłkach pablizu vioski Harydavičy la Kuranca, što ŭ Vilejskim rajonie.
Paviedamleńnie ŭ Vilejski RAUS pastupiła 10 krasavika a 12:00. Na miesca vyjechała śledča-apieratyŭnaja hrupa na čale z načalnikam RAUS Alaksandram Karatyšom.
Ustanavili, što z pomnikaŭ na mahiłach skrali adzinaccać kryžoŭ. Adbyłosia heta ŭ pieryjad z 2 pa 8 krasavika.
Nieŭzabavie ŭstanavili padazravanych u kradziažy. Ich zatrymali. Heta žychary Kuranca: 53-hadovy baćka i 30-hadovy syn. Jany złoŭžyvajuć śpirtnym, pastajannaj pracy nie majuć. Siarod inšaha zarablajuć na žyćcio i tym, što źbirajuć i zdajuć mietałałom, raskazaŭ načalnik adździaleńnia kryminalnaha vyšuku Vilejskaha RAUS Dźmitryj Antanovič.
Mužčyny pryznali svaju datyčnaść da kradziažoŭ. Skradzienaje paśpieli ŭžo raśpiłavać i zdać. Častku znajšli ŭ punkcie zboru druhasnaj syraviny.