Matacyklist, jaki trapiŭ u DTZ razam z daišnikam, źmieščany pad vartu
Prakuratura Minska sankcyjanavała zaklučeńnie pad vartu matacyklista, jaki padazrajecca ŭ ździajśnieńni DTZ u centry Minska, u jakim ciažkija traŭmy atrymaŭ supracoŭnik DAI, paviedamiła staršy pamočnik prakurora horada Natalla Kosač.
Nahadajem, DTZ adbyłosia ranicaj 18 krasavika. Supracoŭnik Dziaržaŭtainśpiekcyi rukami sprabavaŭ spynić matacyklista, jaki vyjazdžaŭ z praśpiekta Mašerava na skryžavańnie z praśpiektam Niezaležnaści, i apynuŭsia na pierakryžavańni razam ź im u momant, kali skryžavańnie pierasiakała inkasatarskaja mašyna. U vyniku avaryi abodva atrymali traŭmy, supracoŭnik milicyi — ciažkija.
Kanfiskavanyja i dałučanyja da materyjałaŭ kryminalnaj spravy niekalki videazapisaŭ, ź imi pracujuć śledčyja. Šerah śviedkaŭ užo źviazalisia z SK i paviedamili značnuju infarmacyju pra abstaviny zdareńnia. Śledčyja orhany praciahvajuć pošuk śviedak avaryi, jakija mohuć paviedamić infarmacyju albo pradstavić videazapisy, jakija majuć dačynieńnie da hetaha DTZ. Pavodle papiaredniaj infarmacyi, matacyklist u momant DTZ byŭ ćviarozy.