Hałoŭny ideołah biełaruskaj armii zaprašaje na «pramuju liniju»
23 krasavika načalnik hałoŭnaha ŭpraŭleńnia ideałahičnaj pracy Minabarony Respubliki Biełaruś hienierał-major Alaksandr Hura praviadzie «pramuju telefonnuju liniju» z nasielnictvam.
Pra heta paviedamiŭ sajt «Biełaruskaj vajennaj haziety».
Zadać pytańni moža budzie z 9.00 da 12.00 pa minskim telefonie (8 017) 297-10-22.
Miesiac tamu u dzień abviaščeńnia niezaležnaści Biełaruskaj Narodnaj Respubliki ŭ Vajennaj akademii Respubliki Biełaruś adbyłasia navukova-praktyčnaja kanfierencyja orhanaŭ ideałahičnaj pracy Uzbrojenych sił.
«Hibrydnaja vajna» Rasii suprać Ukrainy i pierachod vialikaj častki ŭkrainskich vajskoŭcaŭ u Krymie na bok Maskvy zrabili bolš aktualnymi pytańni nacyjanalnaha vychavańnia ŭ biełaruskaj armii, nieadnarazova adznačali biełaruskija vajskovyja analityki.
Alaksandr Mikałajevič Hura naradziŭsia ŭ ukrainskim Žytomiry ŭ 1958 hodzie. U 1979 hodzie skončyŭ Uljanaŭskaje vyšejšaje vajenna-techničnaje vučylišča, u 1994 hodzie – Humanitarnuju akademiju Uzbrojenych sił Rasijskaj Fiederacyi.
Słužbu prachodziŭ u Pryvołžskaj vajennaj akruzie, Hrupie savieckich vojskaŭ u Hiermanii, Biełaruskaj vajennaj akruzie, Paŭnočnaj hrupie vojskaŭ, z 1992 h. va Uzbrojenych Siłach Respubliki Biełaruś.
Kandydat psichałahičnych navuk.