Zaŭtra buduć sudzić čatyroch udzielnikaŭ Biełaruskaha nacyjanalnaha kanhresu
Spravy čatyroch udzielnikaŭ ustanoŭčaha schodu Biełaruskaha nacyjanalnaha kanhresu buduć razhledžanyja ranicaj 24 maja ŭ roznych sudach stalicy, paviedamlaje pravaabarončy sajt spring96.org.
Usie pracesy pačnucca ŭ 9.00. Sud Frunzienskaha rajona razhledzić spravu aktyvista kampanii «Jeŭrapiejskaja Biełaruś» Maksima Viniarskaha, sud Centralnaha rajona — aktyvista Juryja Łukaševiča.
Jak paviedamlałasia raniej, zaŭtra za ŭdzieł u akcyi buduć sudzić pieršaha kiraŭnika niezaležnaj Biełarusi Stanisłava Šuškieviča (sud Centralnaha rajona) i lidara ruchu «Za dziaržaŭnaść i niezaležnaść» Uładzimira Niaklajeva (sud Leninskaha rajona).
Pavodle źviestak pravaabaroncaŭ, pratakoły za ŭdzieł va ŭstanoŭčym schodzie Biełaruskaha nacyjanalnaha kanhresu składzienyja ŭ dačynieńni bolš jak da 20 čałaviek. Siarod ich arhanizatar akcyi Mikałaj Statkievič, aktyvisty Viačasłaŭ Siŭčyk, Leanid Kułakoŭ i Siarhiej Mackojć, kiraŭnik prafsajuza REP Hienadź Fiadynič. Daty razhladu ich spraŭ pakul nieviadomyja.