Dvaich ukraincaŭ pasadzili ŭ Rasii na 20 hadoŭ za «ŭdzieł u čačenskaj vajnie»
Viarchoŭny sud Čačni vynies prysud hramadzianam Ukrainy Mikałaju Karpiuku i Stanisłavu Kłychu, jakich pryznali vinavatymi va ŭdziele ŭ bajavych dziejańniach na baku čačenskich sieparatystaŭ u 1990-ch hadach. Karpiuk atrymaŭ 22,5 hady kałonii, Kłych — 20 hadoŭ kałonii.
Pa viersii Śledčaha kamiteta RF, Karpiuk i Kłych u 1990-ch hadach uvachodzili va ŭkrainskuju nacyjanalistyčnuju arhanizacyju UNA-UNSO (pryznana ŭ Rasii ekstremisckaj i zabaroniena).
Jany, jak zajaŭlaje śledstva, nibyta vajavali ŭ Čačni ŭ składzie atrada bajevikoŭ pad nazvaj «Vikinh». SK śćviardžaje, što Karpiuk i Kłych udzielničali ŭ bajach, padčas jakich zahinuli nie mienš za 30 rasijskich vajskoŭcaŭ.
Kłych i Karpiuk admaŭlajuć usie abvinavačvańni. Kłych zajaŭlaje, što nikoli nie byŭ u Čačni. Abodva padpisali zajavu ab padačy apielacyi na rašeńnie suda.