Vypuskniki škoł mohuć jeździć u mietro biaspłatna da 12 červienia
Navučency 11-ch kłasaŭ majuć prava na biaspłatny prajezd u mietrapalitenie da 12 červienia ŭklučna, heta značyć da momantu zakančeńnia zdačy vypusknych ekzamienaŭ i adličeńnia ich z ustanoŭ adukacyi. Takaja infarmacyja raźmieščanaja na sajcie Minskaha mietrapalitena.
Pa-raniejšamu prava biaspłatnaha prajezdu ŭ mietrapalitenie dajecca navučencam abo vychavancam ustanoŭ ahulnaj siaredniaj i śpiecyjalnaj adukacyi horada na padstavie elektronnaj karty navučenca abo daviedki ź biahučym terminam dziejańnia. U suviazi z zakančeńniem navučalnaha hoda hetyja dakumienty patrabujuć abnaŭleńnia.
Akramia taho, nieabchodna abnavić daviedki dla prajezdu z 1 lipienia da 31 žniŭnia navučencam, jakija ŭ letni pieryjad zadziejničanyja ŭ realizacyi prahram dadatkovaj adukacyi dziaciej i moładzi, prahram vychavańnia i azdaraŭleńnia, a taksama tych, chto jakija biare ŭdzieł u bujnamaštabnych masavych mierapryjemstvach.