U KNDR zrabili dva zapuski rakiet siaredniaj dalokaści
Paŭnočnaja Kareja zrabiła dva zapuski rakiet siaredniaj dalokaści «Musudan», paviedamiła paŭdniovakarejskaje ahienctva Rienchap sa spasyłkaj na nienazvanyja krynicy.
Pieršy zapusk adbyŭsia ŭ 6 hadzin ranicy pa miascovym časie (apoŭnačy pa Minsku). Druhaja rakieta była zapuščana praź niekalki hadzin.
Pa ŭsioj bačnaści, pieršy zapusk byŭ niaŭdałym, udakładniaje Rejter sa spasyłkaj na nienazvanych vajskovych čynoŭnikaŭ z Paŭdniovaj Karei. Zapusk rakiety zafiksavała amierykanskaja armija.
Druhaja rakieta, pa apošnich dadzienych, pralacieła kala 400 km.
Raniej Paŭnočnaja Kareja ŭžo zapuskała rakietu «Musudan». U krasaviku-mai adbylisia čatyry testavyja zapuski. Usie sproby apynulisia niaŭdałymi.
Pa dadzienych paŭdniovakarejskich ŚMI, u KNDR jość kala troch dziasiatkaŭ takich rakiet. «Musudan» moža paražać celi na adlehłaści kala troch tysiač kiłamietraŭ.
Heta dazvalaje zapuścić rakietu ŭ lubuju častku Japonii i pa amierykanskaj terytoryi Huam.