DAI raić kiroŭcam admovicca ad dalokich pajezdak u śpioku
Pa prahnozach sinoptykaŭ, u vychodnyja čakajecca śpioka da 34 hradusaŭ (u Minsku — +30—+31).
Va ŭpraŭleńni DAI MUS adznačyli, što ŭ takich umovach nadvorja kiroŭcy chutčej stamlajucca, ich uvaha raśsiejvajecca, a reakcyja značna paharšajecca. U mnohich ludziej źjaŭlajecca hałavakružeńnie, mlavaść, sanlivaść.
Dziaržaŭtainśpiekcyja rekamienduje kiroŭcam pa mahčymaści admovicca ad dalokich pajezdak, asabliva kali ŭ aŭtamabili niama kandycyjaniera. Pry nieabchodnaści sieści za rul važna kantralavać svajo samaadčuvańnie, nie znachodzicca doŭhi čas za rulom.
Vypraŭlajučysia ŭ darohu, treba brać z saboj pitnuju vadu, pravieryć u aptečcy najaŭnaść nieabchodnych lekaŭ, a taksama — spraŭnaha vohnietušyciela ŭ aŭtamabili.
Rekamiendacyi nie vychodzić padčas dzionnaj śpioki na vulicu adrasavanyja i piešachodam, jakija majuć prablemy sa zdaroŭjem.