MZS Niamieččyny zaklikaŭ ES nie ŭpadać u depresiju z-za «breksitu»
Jeŭrapiejski Sajuz nie pavinien «ŭpaści ŭ depresiju ci paralič» paśla vynikaŭ refierendumu ŭ Vialikabrytanii, zajaviŭ ministr zamiežnych spraŭ Hiermanii Frank-Valter Štajnmajer.
Ciapier jon znachodzicca ŭ Bierlinie, dzie prachodziać terminovyja pieramovy šaści krain — zasnavalnikaŭ ES — Hiermanii, Francyi, Italii, Bielhii, Niderłandaŭ i Luksiemburha.
Štajnmajer miarkuje, što krainy-zasnavalniki ES zmohuć pierakanać inšych nie admaŭlacca ad idei adzinaj Jeŭropy.
Na nastupnym tydni projdzie pieršy samit krain Jeŭrasajuza biez udziełu Vialikabrytanii. Kiraŭnik Jeŭrakamisii Žan-Kłod Junkier zajaviŭ, što ES zachavajecca ŭ składzie 27 krain.
Ministr zamiežnych spraŭ Francyi Žan-Mark Ero zajaviŭ, što pieramovy ab vychadzie Vialikabrytanii ź ES treba pravieści jak maha chutčej.
Paskoryć pieramovy ab «breksicie» zaklikaŭ i člen rady dyrektaraŭ Jeŭrapiejskaha centralnaha banka Fransua Vilerua de Hało. Chutkaje vyrašeńnie prablemy źnizić ŭzrovień niavyznačanaści ŭ ekanomicy, ličyć jon.