Pad Minskam syšli z rejek 14 vahonaŭ tavarnaha ciahnika
Nadzvyčajnaje zdareńnie na čyhuncy pad Minskam: na 32-m kiłamietry pierahonu Kaladzičy—Pamyślišča kala vioski Kaladzičy syšli z rejek 14 vahonaŭ hruzavoha ciahnika. Heta zdaryłasia ŭdzień 25 červienia. Ciahnik išoŭ z Kalinkavičaŭ i byŭ sfarmavany z 73 vahonaŭ, pieradaje pres-słužba Minskaha abłasnoha ŭpraŭleńnia MNS.
U vyniku avaryi pierakulilisia 12 vahonaŭ (6 ź mietałam, 2 — z draŭninaj, 1 — z paliŭnymi brykietami, 2 — z kambikormam i 1 — z butylavanym słaniečnikavym alejem). Paškodžanyja 200 mietraŭ čyhunačnych puciej i apora kantaktnaj linii 27 kV.
Nichto nie paciarpieŭ, zatrymki ŭ ruchu ciahnikoŭ nie było.
Nastupstvy zdareńnia likvidoŭvajuć 3 avaryjna-adnaŭlenčyja ciahniki. Miarkujecca, što ramontnyja pracy skončacca ranicaj 28 červienia.
Pryčynu avaryi vyśviatlaje kamisija Biełaruskaj čyhunki.