Dvoje zahinułych, piaciora paranienych: pad Pinskam «Aŭdzi» łob u łob sutyknuŭsia z aŭtobusam
aściarožna, žorstkija fota
U Pinskim rajonie ŭviečary 28 červienia ŭ vyniku łabavoha sutyknieńnia «Aŭdzi» z aŭtobusam zahinuli dva čałavieki i piać paranienyja.
Jak paviedamili ŭ adździaleńni pa ahitacyi i prapahandzie DAI UUS Bresckaha abłvykankama, heta zdaryłasia kala 18.00 na 72-m km aŭtadarohi R6 Ivacevičy — Pinsk — Stolin.
Pavodle papiaredniaj infarmacyi, kiroŭca aŭtamabila «Aŭdzi», ruchajučysia ŭ napramku haradskoha pasiołka Łahišyn, vyjechaŭ na pałasu sustrečnaha ruchu i sutyknuŭsia z aŭtobusam «Kubań», jaki pieravoziŭ ludziej.
Kiroŭca «Aŭdzi» zahinuŭ na miescy. Jaho debłakavali z aŭtamabila rabotniki MNS. Šeść pasažyraŭ aŭtobusa dla akazańnia miedycynskaj dapamohi dastavili ŭ balnicu, dzie adzin ź ich pamior.
Pavodle papiarednich źviestak, u aŭtobusie znachodziłasia 14 čałaviek. Na miescy zdareńnia pracujuć śledča-apieratyŭnaja hrupa i supracoŭniki DAI.