U Nicy hruzavik z terarystam urezaŭsia ŭ natoŭp i prajechaŭ dva kiłamietry: 84 čałavieki zahinuli
aściarožna, žorstkaje videa
U Nicy na Anhlijskaj nabiarežnaj u Dzień ŭziaćcia Bastylii, 14 lipienia, kala 22:30 hruzavik zajechaŭ u natoŭp ludziej i prajechaŭ kala dvuch kiłamietraŭ. Jaho kiroŭca zastreleny palicyjaj. Im akazaŭsia 31-hadovy miascovy žychar tuniskaha pachodžańnia. U hruzaviku znojdzienyja bojeprypasy. Kolkaść zahinułych vyrasła da 84 čałaviek. Bolš za 100 paranienych.
Reuters.com
U francuzskaj Nicy na Anhlijskaj nabiarežnaj u Dzień ŭziaćcia Bastylii, 14 lipienia, kala 22:30 hruzavik zajechaŭ u natoŭp ludziej, što čakali salut, i prajechaŭ kala dvuch kiłamietraŭ. Jaho kiroŭca zastreleny palicyjaj. Im akazaŭsia 31-hadovy miascovy žychar tuniskaha pachodžańnia. U hruzaviku znojdzienyja bojeprypasy. Kolkaść zahinułych vyrasła da 84 čałaviek. Bolš za 100 čałaviek paranienych. Siarod zahinułych šmat dziaciej.
Toj samy bieły hruzavik, što ŭrezaŭsia ŭ natoŭp, fota rfi.fr
07:00
U načnym zvarocie da nacyi prezident Fransua Aland zajaviŭ, što ŭ žandarmieryju i ŭ palicyju buduć vyklikanyja reziervisty dla achovy miežaŭ i harantavańnia biaśpieki. Nadzvyčajnaje stanovišča budzie praciahnuta na try miesiacy.
Kadr ruchu hruzavika, rfi.ru
***
Jak paviedamlałasia raniej, mašyna prajechała praz natoŭp niekalki sotniaŭ mietraŭ. Zatym nibyta byŭ adkryty ahoń pa ludziach. Pavodle dadzienych palicyi, zahinuli 80 čałaviek, bolš za 120 čałaviek paranienyja. 18 čałaviek znachodziacca ŭ ciažkim stanie.
Ułady horada zaklikali žycharoŭ Nicy nie vychodzić z damoŭ.
fota Reuters
Suśvietnyja lidary vykazali spačuvańni z pryčyny teraktu
Vykazaŭ spačuvańni Barak Abama.
Amierykanskaja śpiavačka Cheł-Robinsan-Pit: «Nica — usim sercam z taboj»
***
Paśla teraktu ŭ Nicy admieniać kancert śpiavački Ryjany i fiestyval džazu, jaki pavinien byŭ prajści z 16 pa 20 lipienia. Usie ściahi ŭ horadzie buduć pryspuščanyja. Pra heta paviedamiŭ kiraŭnik rehijona Pravans-Alpy-Łazurny bierah Kryścijan Estrazi. Anhlijskaja nabiarežnaja budzie zakryta dla naviedvańnia, paviedamlaje rfi.fr.
Paranienych dastaŭlajuć u špital Paster u Nicy, u šmatlikich - kulavyja ranieńni. Usie balnicy Nicy pierajšli na kryzisny płan pracy. Miedycynski piersanał adklikany z adpačynkaŭ i doŭhich vychadnych. Apošni raz padobny kryzisny płan pracy abjaŭlaŭsia ŭ miedycynskich ustanovach Paryža paśla teraktaŭ 13 listapada 2015 hoda..