Na vulicach Ałmaty adbyłasia pierastrełka
U Ałmacie adbyłasia stralanina ŭ rajonie Ałmalinskaha RUUS. Pa słovach vidavočcaŭ, jakija pieradaje «Interfaks», pierastrełka adbyłasia z udziełam palicyi.
Rajon incydentu ačepleny, u słužbie vyratavańnia prosiać nie naviedvać rajon Ałmalinskaha RUUS na praciahu bližejšych hadzin, bo tam idzie śpiecapieracyja. U suviazi z čym pravodzicca śpiecapieracyja, nie ŭdakładniajecca.
Pa dadzienych Tengrinews, dvoje palicejskich paciarpieli. Vydańnie taksama paviedamlaje, što ŭ horadzie začynienyja ŭsie zbrojnyja kramy. Jak minimum adzin palicejski zahinuŭ. Taksama ahienctva śćviardžaje, što adnaho z udzielnikaŭ pierastrełki zatrymali.
U palicyi kazachstanskaha horada abviaścili pra praviadzieńnie antyterarystyčnaj apieracyi.