U Minsku mužčyna zahinuŭ, pravaliŭšysia ŭ vientylacyjnuju šachtu svajoj kvatery
U Minsku 68-hadovy piensijanier pravaliŭsia ŭ vientylacyjnuju šachtu svajoj kvatery na 6-m paviersie. Pra heta paviedamiŭ pres-sakratar MNS pa Minsku Vital Demboŭski.
18 lipienia ŭ 5.25 ŭ MNS pastupiła paviedamleńnie ad mužčyny, jaki žyvie na pieršym paviersie šmatkvaternaha doma na pr. haziety «Źviazda». Jon raspavioŭ, što ź vientylacyjnaj šachty danosiacca stohny.
Ratavalniki, pabačyŭšy šachtu, vyjavili tam pažyłoha mužčynu ŭ nieprytomnym stanie. Niahledziačy na ŭsie namahańni miedykaŭ, vyratavać jaho nie ŭdałosia.
«Jak vyśvietliłasia, mužčyna pravodziŭ niezakonnuju pierapłaniroŭku ŭ svajoj kvatery na 6-m paviersie. Jon vyrašyŭ ź vientylacyjnaj šachty zrabić nišu pad chaładzilnik. Z samaha ranku jon pajšoŭ na kuchniu — i pravaliŭsia ŭ šachtu. U vyniku jon upaŭ z uzroŭniu 6-ha pavierchu na pieršy», — raspaviali ŭ MNS.