U Asipovičach likvidavali ŭciečku chłoru z 200-litrovaha bałona FOTA
21 lipienia asipovickim vyratavalnikam pastupiła paviedamleńnie pra toje, što na terytoryi pradpryjemstva na vulicy Kryłoviča znojdzienyja try mietaličnyja reziervuary ź nieviadomym hazam.
Jak akazałasia, try reziervuary z chłoram (kožny abjomam 200 ł) byli raźmieščanyja na adkrytaj placoŭcy terytoryi Asipovickaha daččynaha unitarnaha kamunalnaha vytvorčaha pradpryjemstva «Vodakanał».
Bałony byli padvierhnutyja karozii. U adnaho ź ich adbyłasia razhiermietyzacyja vientyla, i haz vyciakaŭ u atmaśfieru, udakładnili ŭ MNS.
Kab asadzić abłoki chłoru byli vykarystanyja pierfaravanyja rukavy. Zamier hranična dapuščalnaj kancentracyi (HDK) pakazaŭ, što na adlehłaści 200 m HDK chłoru nie pieravysiła narmatyŭnych pakazčykaŭ (1 mh/kub.m).
Ratavalniki abmiežavali dopusk u pamiaškańni rabotnikaŭ pradpryjemstva. Na pracu pradpryjemstva heta nie paŭpłyvała, technałahičny praces nie parušany.
Kranam pradpryjemstva reziervuar z chłoram byŭ apuščany ŭ jomistaść z vodnym rastvoram kalcynavanaj sody.
Pieravyšeńnie HDK za 200-miatrovaj zonaj nie zarehistravana.
Pahrozy nasielnictvu niama. Najbližejšyja budynki znachodziacca na adlehłaści 350 m ad miesca ŭciečki.
Kiraŭnictva pradpryjemstva padało zajaŭku dla praviadzieńnia ŭtylizacyi niebiaśpiečnaj znachodki.