Adzin z zasnavalnikaŭ «Zubra» Jaŭhien Afnahiel viarnuŭsia ŭ Biełaruś paśla piaci hadoŭ emihracyi
Padčas akcyi nacyjanalnaha ściaha na płoščy Niezaležnaści 27 lipienia siarod udzielnikaŭ byŭ zaŭvažany hramadski aktyvist, kolišni zasnavalnik «Zubra», adzin z kaardynataraŭ «Jeŭrapiejskaj Biełarusi» Jaŭhien Afnahiel. Hety fakt źviartaje na siabie ŭvahu, bo apošnija 5 hadoŭ Afnahiel pravioŭ u emihracyi.
Padčas vybaraŭ 2010 hoda Jaŭhien Afnahiel aktyŭna padtrymaŭ kampaniju Andreja Sańnikava. U lutym 2011, paźbiahajučy aryštu, aktyvist vyjechaŭ za miežy Biełarusi. Jon žyŭ hety čas u Polščy i Litvie.
«Ja viarnuŭsia ŭ Biełaruś nie ŭčora i nie zaŭčora, viarnuŭsia jašče ŭ sakaviku. Viarnuŭsia, bo była nastalhija pa Radzimie. Tut maje rodnyja, siabry. Ja paličyŭ, što jość mahčymaść viarnucca, pratestavać staŭleńnie ŭładaŭ da siabie. Paśla padziejaŭ 2010 hoda ŭ mianie byli vobšuki, kryminalnaja sprava. Ja viarnuŭsia, nichto mianie nie čapaje, usio narmalna. Užo ŭdzielničaŭ u niekalkich akcyjach, u tym liku na Dzień Voli. Nijakich prablem niama», — kaža Jaŭhien Afnahiel.
Jaŭhien Afnahiel naradziŭsia ŭ 1979 u Minsku. Skončyŭ histfak piedahahičnaha ŭniviersiteta imia Tanka (2001). U nacyjanalnym ruchu z 1996. Byŭ siabram «Maładoha frontu» (1996—2001). U 2001 byŭ zasnavalnikam «Zubra».