Anatol Labiedźka: Nivodnaha čałavieka ad AHP nie ŭklučyli ŭ vybarčyja kamisii ŭ Minsku
Pa słovach lidara Abjadnanaj hramadzianskaj partyi, z paŭsotni čałaviek ułady tak i nie z mahli vybrać «patrebnaha» čalca kamisii.
Anatol Labiedźka
«Ja taksama išoŭ u čalcy kamisii, ale nie ŭklučyli anikoha z 50 ci 60 čałaviek ad AHP, jakija padavali zajavy ŭ stalicy, — paviedamiŭ Anatol Labiedźka. – Ja liču heta indykataram. Bo šmat razmoŭ viałosia i ŭ krainie, i za jaje miežami pra peŭnuju libieralizacyju. Ale farmiravańnie kamisij – heta «łakmusavaja papiera», jakaja kaža, ci jość tyja źmieny. I my bačym, što źmienaŭ niama, usio na tym ža ŭzroŭni, što i dziesiać, dvaccać hadoŭ tamu».
Darečy, niadaŭna Illa Dabratvor raspavioŭ, što jaho žoncy i inšym patencyjnym čalcam kamisij ad niezaležnaha prafsajuza REP telefanavali ź Minskaha rajvykankama i sprabavali adhavaryć ad udziełu ŭ vybarach.
Jak stała viadoma, z 21 čałavieka, što padavali zajavy ad prafsajuza REP, u kamisii prajšli tolki troje. Žonki Dabratvora siarod ich niama – joj admovili.