Illa Dabratvor, jaki idzie na vybary ad Partyi BNF, zajaviŭ, što ułady Minskaha rajona adhavorvajuć patencyjnych čalcoŭ vybarčych kamisij ad udziełu ŭ vybarach.
«My padali śpis z 21 čałavieka, heta siabry niezaležnaha prafsajuzu REP. Siarod ich i maja žonka, Ina Mikałajeŭna, — jana źbirajecca być u kamisii na ŭčastku ŭ Sienickaj akruzie №76 u Minskim rajonie, heta tam ža, dzie idzie kandydatam «kazak» Ułachovič. Tam budu vyłučacca kandydatam i ja sam, — raspavioŭ Illa Dabratvor. — Ale nieŭzabavie ludziam pačali telefanavać ź Minskaha rajvykankama. Kazali prykładna nastupnaje: «A navošta vam heta treba?», «Ad pracy ŭsio roŭna nie vyzvalać, a ŭ kamisii pracy šmat», «Hrošaj tam nie płaciać» nu i hetak dalej».
Pa słovach Dabratvora, telefanavali ŭsim patencyjnym čalcam kamisij ad niezaležnaha prafsajuzu, čyje telefony zmahli znajści. Telefanavali navat u sam prafsajuz i cikavilisia kantaktami budučych čalcoŭ.
«Ja sam daŭ numar svajoj žonki Alaksandru Savončyku ź Minskaha rajvykankama», — kaža Dabratvor.
Praŭda, Alaksandr Savončyk, načalnik adździeła arhanizacyjna-kadravaj raboty Minrajvykankama, tłumačyć, što ničoha niezakonnaha nie adbyłosia.
«Heta standartnaja pracedura, kali my telefanujem patencyjnym čalcam kamisij. My cikavimsia ci sapraŭdy isnujuć takija ludzi, ci sapraŭdy jany ŭ składzie paznačanaj arhanizacyi — bo ŭsiakaje ž byvaje, — kaža Savončyk. — Praviarajem my ŭsich: i BRSM, i Sajuz žančynaŭ i inšych. Pryčym, skažu, što niekatoryja z čalcoŭ ad REP i nie viedali, što hetyja kamisii ŭ sielsaviecie, ličyli, što jany buduć siadzieć u Minsku. Im drenna patłumačyli ŭ prafsajuzie, ci što, nie viedaju. Ale niekatoryja čalcy vyrašyli — sami! — admovicca ad udziełu, kali daviedalisia padrabiaznaści».
Savončyk nastojvaje, što nikoha jon nie adhavorvaŭ ad udziełu ŭ kamisijach.
«Ani čalcoŭ kamisij, ani žonku Dabratvora ja nie adhavorvaŭ, vy što. Dabratvor — asoba davoli viadomaja. I što, vy ličycie, što budu jaho žoncy telefanavać i adhavorvać jaje? Kino biaspłatnaje! Navošta mnie heta?»
Kolki čałaviek ad prafsajuzu REP zarehistrujuć čalcami kamisij budzie viadoma 27 lipienia.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m38
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary