Studentu z Ukrainy, jaki schłusiŭ u ZŠA nakont svajho ŭzrostu, pahražaje 40 hadoŭ turmy
23-hadovy hramadzianin Ukrainy Artur Samaryn, jaki vučyŭsia ŭ starejšych klasach amerykanskaj škoły, pryznaŭ siabie vinavatym pa abvinavačańniach u machlarstvie i seksie ź niepaŭnahadovaj.
Artur Samaryn (fota z sacyjalnych sietak).
Samaryn pastupiŭ u starejšyja klasy škoły ŭ amerykanskim štacie Pensylvanija pad imiem Ešer Pots, padaŭšy zanižany ŭzrost. Paśla škoły jaho pryniali ŭ kaledž u štacie Fłoryda, ale tut ułady daviedalisia jaho sapraŭdnaje imia i ŭzrost, a taksama toje, što jon praterminavaŭ studenckuju vizu.
Pavodle sudovych dakumentaŭ, Samaryn pryznaŭsia śledčym, što ŭvosień 2014 hodu, kali jamu było 22 hady, jon mieŭ seks ź 15-hadovaj dziaŭčynaj. Ciapier jamu pahražaje da 40 hadoŭ źniavoleńnia.