Śpikieram parłamienta Litvy staŭ Pranckiecis
14 listapada paśla prysiahi deputaty novaha litoŭskaha parłamienta abrali śpikiera. Im staŭ 58-hadovy ahranom, doktar bijamiedycynskich navuk, namieśnik staršyni Litoŭskaha sajuza sialan i zialonych Viktaras Pranckiecis.
DELFI (A.Ufarto nuotr.)
Vybirali śpikiera z dvuch kandydataŭ — libierała Eŭhienijusa Hientviłasa i Pranckiecisa. Zhodna sa Statutam, śpikiera vybirali na tajemnym hałasavańni. Za Pranckiecisa hałasavali 93 deputaty, za Hientviłasa — 36, jašče 11 biuleteniaŭ byli sapsavanyja.
Novy śpikier — pačatkoviec u parłamiencie: jon da hetaha ni razu nie pracavaŭ u parłamiencie, adnak kalehi chvalać jaho za ścipłaść i talerantnaść. Sam Pranckiecis kaža pra toje, što ŭ parłamiencie treba paźbiahać kpinaŭ. U 2014 hodzie Pranckiecis staŭ vice-staršynioj ŁSSZ.