Pry paciapleńni płanujuć adklučać aciapleńnie ŭ padjezdach šmatpaviarchovak u Minsku
Kali na vulicy budzie plusavaja tempieratura, to ŭ padjezdach žyłych damoŭ Minska płanujuć časova adklučać aciapleńnie, paviedamlaje ahienctva «Minsk-Naviny».
Miarkujecca, što pry vykanańni ŭsich nieabchodnych mierapryjemstvaŭ dla padrychtoŭki žyłfondu da aciaplalnaha siezona (škleńnie voknaŭ u padjezdach, spraŭnaść damafonaŭ) heta nie vykliča niehatyŭnych nastupstvaŭ dla tempieratury ŭ kvaterach žycharoŭ, ale dapamoža zekanomić enierharesursy.
Jak padkreśliŭ načalnik Minskaha haradskoha ŭpraŭleńnia pa nahladzie za racyjanalnym vykarystańniem paliŭna-enierhietyčnych resursaŭ Departamienta pa enierhaefiektyŭnaści Ihar Tur, takaja miera daść mahčymaść ekanomić u cełym pa horadzie 300 ton umoŭnaha paliva ŭ sutki.
U vypadku pachaładańnia padjezdy znoŭ buduć aciaplać.