«Aŭdzi» z dvuchhadovym dziciom pierakuliłasia ŭ Bresckim rajonie
Avaryja adbyłasia siońnia ranicaj, paviedamlaje UDAI UUS Bresckaha abłvykankama.
Pavodle papiaredniaj infarmacyi, 34-hadovaja žycharka vioski Padleśsie Radvanickaje na «Aŭdzi 100» jechała pa darozie Brest-Huli-Padleśsie Radvanickaje ŭ kirunku Bresta. Na 4-m km aŭtadarohi žančyna nie spraviłasia z kiravańniem, źjechała z darohi naprava, aŭtamabil pierakuliŭsia.
U vyniku kiroŭca atrymała cialesnyja traŭmy i špitalizavanaja ŭ Bresckuju abłasnuju balnicu. Vyjaŭlena, što jana była pryšpilenaja ramianiom biaśpieki. U chodzie pravierki taksama stała viadoma, što za 2 hady stažu kiroŭcy žančyna 29 razoŭ pryciahvałasia da administracyjnaj adkaznaści za parušeńni PDR.
U mašynie znachodziłasia dzicia dvuch hadoŭ. Tolki dziakujučy śpiecyjalnaj dziciačaj utrymlivajučaj pryładzie jano nie paciarpieła i paśla ahladu na miescy zdareńnia miedykami było adpuščanaje dadomu.