Samaje biaśpiečnaje miesca dla ŭstanoŭki dziciačaha aŭtakresła — heta zadniaje siaredniaje albo zadniaje pravaje siadzieńnie.
Pra heta raspavioŭ ekśpiert, partnior HA «Biełaruski kłub aŭtamotaturyzmu» Siarhiej Bielski na pres-kanfierencyi, pryśviečanaj zapusku sacyjalnaha prajekta «Stań ekśpiertam pa biaśpiecy svajho dziciaci ŭ aŭtamabili», pieradaje BiełTA.
«Dziciačaje kresła ustaloŭvajecca na zadnim siadzieńni pasiaredzinie, kali siadzieńnie vyrazna adździelena, jak, naprykład, u minivenach. U advarotnym vypadku kresła nie zafiksujecca paŭnavartasna. Mnohija baćki staviać kresły mienavita pasiaredzinie, maŭlaŭ, dzicia budzie hladzieć na darohu. Ale ŭ ekstremalnych vypadkach abo rezkim pavarocie kresła moža zvalicca abo zrušycca», — adznačyŭ Siarhiej Bielski.
«Pa statystycy, samaje biaśpiečnaje miesca dla ŭstanoŭki dziciačaha aŭtakresła, nie ŭličvajučy zadniaje centralnaje, — heta zadniaje pravaje siadzieńnie. Jano na 5% bolš biaśpiečnaje za zadniaje levaje. Heta značyć, dzicia lepš pasadzić nie za kiroŭcam, a mienavita sprava. Jak praviła, zadniaje levaje miesca bližej da sustrečnaj pałasy», — reziumavaŭ ekśpiert.
Pieravozić dzicia ŭ dziciačym kreśle dazvolena i na piarednim siadzieńni, ale da hoda dzicia-pasažyr pavinna być paviernuta suprać ruchu aŭtamabila, a paduška biaśpieki pavinna być adklučanaja.
Tłumačalnaja kampanija «Zabiaśpieč biaśpieku dziciaci ŭ mašynie na 100%» prachodzić z 17 pa 27 listapada. Meta mierapryjemstva — pryciahnuć uvahu hramadskaści da važnaści zachavańnia praviłaŭ pieravozki dziaciej. U bujnych handlovych abjektach, ustanovach adukacyi i na pradpryjemstvach śpiecyjalisty raskažuć, jak vybirać dziciačyja kresły i karystacca imi. Na čas prafiłaktyčnych mierapryjemstvaŭ DAI ŭzmocnić kantrol za vykanańniem praviłaŭ pieravozki dziaciej.
Za nievykarystańnie dziciačaha kresła pahražaje štraf da 4 bazavych vieličyń (bazavaja vieličynia ciapier składaje Br21). U vypadku paŭtornaha parušeńnia na praciahu hoda — ad 2 da 8 bazavych vieličyń.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary