France Football nazvaŭ uładalnika «Załatoha miača»
Globallookpress.com
Uładalnikam «Załatoha miača» -2016 staŭ forvard madrydskaha «Reała» i zbornaj Partuhalii Kryšcijanu Ranałdu. Jon pieramoh u hałasavańni žurnalistaŭ, arhanizavanym vydańniem France Football
Ranałdu staŭ druhim futbalistam za ŭsiu historyju, jaki atrymaŭ «Załaty miač» čatyry razy. Raniej forvard uznaharodžvaŭsia pryzam u 2008, 2013 i 2014 hh. U studzieni uładalnikam piataha «Załatoha miača» staŭ arhiencinski napadajučy «Barsiełony» Lijanel Miesi.
Ranałdu ličyŭsia hałoŭnym favarytam u baraćbie za «Załaty miač». U hetym hodzie jon pieramoh i ŭ čempijanacie Jeŭropy, i ŭ Lizie čempijonaŭ. Pry hetym Ranałdu byŭ lidaram i ŭ zbornaj Partuhalii, i ŭ «Reale». U hałasavańni France Football jon apiaredziŭ forvarda madrydskaha «Atletyka» i zbornaj Francyi Antuana Hryzmana, jaki staŭ najlepšym bambardziram Jeŭra-2016, i Miesi, jaki ŭ hetym hodzie vyjhraŭ tolki čempijanat i Kubak Ispanii.
6 vieraśnia France Football abviaściŭ ab spynieńni supracoŭnictva ź FIFA, jakoje praciahvałasia z 2010 hoda. Bakam nie ŭdałosia damovicca ab praciahu sumiesnaj pracy.