U Łondanie strajkujuć rabotniki mietro, ruch u horadzie paralizavany
Siońnia ŭ Łondanie strajkujuć rabotniki padziemki, bolšaść stancyj u centry horada začynienaja, paviedamlajuć infarmahienctvy.
U miehapolisie nazirajecca transpartny kałaps: ludzi spaźnilisia na pracu, z-za zakryćcia mietro mnohim daviałosia pierasieści na aŭtamabili, rovary abo dabiracca pieššu. Haradskija aŭtobusy pierapoŭnienyja, na aŭtobusnych prypynkach čerhi, vulicy zabityja mašynami.
Zabastoŭka budzie doŭžycca sutki. Jaje arhanizavali dva najbujniejšyja prafsajuzy — Nacyjanalny sajuz čyhunačnych, marskich i transpartnych rabočych (RMT) i Asacyjacyja najomnych transpartnych rabočych (TSSA). Supracoŭniki pratestujuć suprać zakryćcia biletnych kas i skaračeńnia pracoŭnych miescaŭ.
Jak ličać aktyvisty, niedachop supracoŭnikaŭ źnizić biaśpieku pasažyraŭ, bo tyja rabotniki mietro, što zastalisia, buduć adčuvać praźmiernyja nahruzki.
Łondanskim mietro štodnia karystajucca amal 5 młn čałaviek.