Rasijskaja avijacyja naniesła ŭdar pa tureckich vajskoŭcach. Troje zahinuli
Rasijskija VPS nanieśli rakietny ŭdar pa tureckich vajskoŭcach, jakija znachodziacca na terytoryi Siryi, paviedamiŭ Hienštab Turcyi. U vyniku bambavańnia zahinuli troje tureckich vajskoŭcaŭ, 11 atrymali ranieńni.
Udar byŭ naniesieny pa budynku, dzie znachodzilisia tureckija vajskoŭcy, jaki raźmieščany ŭ vakolicach siryjskaha horada El-Bab, paviedamlaje Hurriyet Daily sa spasyłkaj na zajavu Hienštaba.
Prezident RF Uładzimir Pucin u telefonnaj razmovie z prezidentam Turcyi Redžepam Taipam Erdahanam vykazaŭ spačuvańni ŭ suviazi z hibiellu tureckich vajskoŭcaŭ u vyniku zdareńnia, zajaviŭ Hienštab.
Paviedamleńni pra toje, što Pucin prynios spačuvańni Erdahanu ŭ suviazi ź nienaŭmysnym udaram rasijskich VPS pa tureckich vajskoŭcach u Siryi, paćvierdziŭ pres-sakratar prezidenta RF Dźmitryj Piaskoŭ, paviedamlaje TASS.