Mikałaja Dziadka asudzili na 10 sutak za Dzień Voli
U kancy dnia 29 sakavika ŭ Partyzanskim sudzie Miensku adbyŭsia, mahčyma, apošni praces pa spravie ŭdzielnikaŭ Dnia Voli. Sudździa Nieŭmiaržycki asudziŭ na 10 sutak byłoha palitviaźnia Mikałaja Dziadka.
Na sudzie Mikałaj Dziadok viny nie pryznaŭ i zajaviŭ, što maje prava na vykazvańnie svaich pohladaŭ padčas mirnaha schodu.
«Admietna, što ŭ pryznačany sudom termin nie ŭvachodziać tyja 4 dni, jakija Mikałaj Dziadok prabyŭ faktyčna pad vartaj u špitali», — adznačyli naziralniki za pracesam.
25 sakavika Mikałaj Dziadok padčas zatrymańnia byŭ mocna źbity i z traŭmaj hałavy trapiŭ u špital, dzie jaho ścierahli milicyjanty. 29 sakavika pierad vypiskaj Mikałaju Dziadku ŭručyli pratakoł ab udziele ŭ niesankcyjanavanaj akcyi i sa špitala pavieźli ŭ sud.