U Maryupali ŭzarvali aŭtamabil načalnika danieckaj kontrraźviedki SBU
U Maryupali zabity pałkoŭnik SBU Alaksandr Charabieruš, jaho ŭzarvali va ŭłasnym aŭtamabili. Pra heta raspaviali ŭ pres-słužbie viedamstva. Pa dadzienych «Interfaksa» Charabieruš uznačalvaŭ hałoŭny adździeł kontrraźviedki danieckaha ŭpraŭleńnia śpiecsłužby.
Aŭtamabil Charabieruša ŭzarvali kala 8:30 u Centralnym rajonie horada, dakładnyja pryčyny vybuchu vyśviatlajucca. Paviedamlajecca, što ad vybuchu vybiła šyby ŭ susiednich damach.
U mašynie, pa papiarednich dadzienych, znachodziŭsia tolki sam Charabieruš. Palicyja rasśleduje heta jak terakt.