Stvaralnika «Biełych kryłaŭ» zvolnili z futbolnaj fiederacyi
Pa źviestkach, atrymanych z vartych davieru krynic, Biełaruskaja fiederacyja futboła zvolniła z pasady dyrektara Departamienta markietynhu i kamunikacyj Uładzimira Bieražkova, jaki prystupiŭ da vykanańnia abaviazkaŭ u červieni minułaha hoda.
Priessboł
Pryčynu zvalnieńnia vyśvietlić nie ŭdałosia, u dadzieny momant słužbovy i mabilnyja telefony Uładzimira Piatroviča nie adkazvajuć.
U śniežni na zakryćci siezona Bieražkoŭ zajaviŭ, što nie spraviŭsia z zadačaj rostu naviedvalnaści čempijanatu i hatovy nieści za heta adkaznaść. Krychu paźniej, u razhar skandałaŭ vakoł damoŭnych matčaŭ, Bieražkoŭ skłaŭ ź siabie paŭnamoctvy namieśnika staršyni kamiteta ABFF pa etycy i vyjšaŭ ź jaho.
Jak paviedamili ŭ pres-słužbie ABFF, kantrakt skasavany pa ŭzajemnaj zhodzie bakoŭ. Bieražkoŭ uznačalić TAA «Svoj futboł», jakoje budzie zajmacca arhanizacyjaj tranślacyj matčaŭ čempijanatu Biełarusi. Adznačym, ABFF źjaŭlajecca adnym z zasnavalnikaŭ arhanizacyi.